پنجاب اسمبلی میں مبینہ غیرقانونی بھرتیوں کے مقدمے میں ملزمان پر فرد جرم عائد نا ہوسکی ۔
اینٹی کرپشن عدالت کے جج سردار محمد اقبال ڈوگرنے پنجاب اسمبلی میں مبینہ غیرقانونی بھرتیوں کے کیس کی سماعت کی جبکہ دوران سماعت پرویزالٰہی کے وکیل نے ایک روزہ حاضری معافی کی درخواست دائر کی ۔
درخواست میں موقف اختیار کیا گیا کہ پرویز الہی کی طبیعت ناساز ہے ڈاکٹرز نے آرام کا مشورہ دیا ہے ، عدالت ایک روزہ حاضری معافی کی درخواست منظورکرے ۔
شریک ملزم محمد خان بھٹی کو بھی جیل میں طبعیت ناساز ہونے کے باعث پیش نا کیا جاسکا ۔
عدالت نے پرویز الٰہی کی ایک روزہ حاضری معافی کی درخواست منظور کرتے ہوئے فرد جرم کی کارروائی موخر کردی اور سماعت 27 نومبر تک ملتوی کردی۔
اینٹی کرپشن نے پرویز الٰہی سمیت دیگر ملزمان کے خلاف چالان عدالت جمع کروا رکھا ہے۔
