پاکستان فلم انڈسٹری کی اداکارہ میرا کی جانب سے پاکستان فلم پروڈیوسر ایسوسی ایشن کے نو منتخب عہدیداران کے اعزاز میں عشائیہ دیا گیا ہے۔
فلمسٹار میرا کی طرف سے دیئے گئے عشائیے سے خطاب کرتے ہوئے ہدایتکار سید نور کا کہنا تھا کہ فنکاروں کو چاہیے کہ وہ حکومت کی طرف سے منعقدہ کسی بھی تقریب میں جانے سے گریز کریں اور آپس میں اتحاد کا مظاہرہ کریں ۔
سید نور کا کہنا تھا کہ یہاں فن کی کوئی قدر نہیں، پاکستان فلم انڈسٹری کو تمام حکومتی تمغے اور میڈل واپس کردینے چاہییں۔
ان کا کہنا تھا کہ سب سے پہلے وہ اپنا میڈل لاکر رکھیں گے ، سب اپنے اپنے میڈل لائیں اور حکومت کو واپس کردیں ۔
تقریب سے میزبان اداکارہ میرا فلم پروڈیوسر ایسوسی ایشن کے نومنتخب چیئرمین شہزاد رفیق اداکار معمر رانا، گلوکار وارث بیگ اور اداکارہ لیلی نے بھی خطاب کیا ۔
