ایف سی بلوچستان کی جانب سے بلوچستان میں یکم اکتوبر تا 03 نومبر 2024 کے دوران کرکٹ، فٹبال اور دیگر کھیلوں کے پندرہ ٹورنامنٹس کا انعقاد کیا گیا۔
تفصیلات کے مطابق یہ ٹورنامنٹس چمن، لورالائی، نوشکی، ژوب، پشین، سوئی، کوہلو، ہرنائی، سبی، قمردین کاریز اور پیرکوہ کے علاقوں میں منعقد کیے گئے۔ ضلع چمن میں ہونے والے آل پاکستان فٹبال ٹورنامنٹ میں کل 12 ٹیموں نے حصہ کیا اور 20000 سے زائد مقامی افراد فائنل میچ سے لطف اندوز ہوئے۔
ضلع ہرنائی میں منعقد کیے جانے والے کرکٹ ٹورنامنٹ میں کل 14 مقامی ٹیموں نے حصہ لیا۔ کھیلوں کا انعقاد بلوچستان کے نوجوانوں میں مثبت سرگرمیوں کو فروغ مل رہا ہے۔علاقہ عمائدین اور مقامی افراد نے سپورٹس ایونٹس کے انعقاد پر ایف سی بلوچستان (نارتھ) کی کاوشوں کو سراہا۔
