انٹر بینک میں پاکستانی روپے کے مقابلے امریکی کرنسی ڈالر کی قدر میں اضافے کا سلسلہ جاری ہے۔
سٹیٹ بینک آف پاکستان ( ایس بی پی ) کی جانب سے جاری کردہ اعدادو شمار کے مطابق کاروباری ہفتے کے چوتھے روز انٹربینک میں روپے کے مقابلے ڈالر کی قدر میں اضافہ ریکارڈ کیا گیا ہے۔
مرکزی بینک کے مطابق جمرات کو انٹربینک میں ڈالر مزید 6 پیسے مہنگا ہوا۔
انٹربینک میں ڈالر 6 پیسے کے اضافے کے بعد کاروبار کے اختتام پر 277 روپے 85 پیسے پر بند ہوا۔
یاد رہے گزشتہ روز انٹربینک میں ڈالر 277 روپے 79 پیسے پر بند ہوا تھا۔
دوسری جانب اوپن مارکیٹ میں بھی امریکی کرنسی کی قدر میں اضافہ ریکارڈ کیا گیا۔
کرنسی ڈیلرز کے مطابق اوپن مارکیٹ میں ڈالر 6 پیسے مہنگا ہو کر 278 روپے 78 پیسے کا ہوگیا ہے۔
یاد رہے کہ اکتوبر کے مہینے میں انٹربینک میں ڈالر کی قیمت 14 پیسے بڑھی۔
