چیئرمین پی سی بی محسن نقوی کا کہنا ہے کہ بھارت کےمعاملےپراللہ بہتر کرے گا، میں کسی پلیئرکی سلیکشن میں دخل اندازی نہیں کرتا، فخر زمان ٹیم میں ہوگایانہیں یہ سلیکشن کمیٹی بتائے گی۔
کراچی میں چیئرمین پاکستان کرکٹ بورڈ(پی سی بی) محسن نقوی نے صحافیوں سے غیر رسمی گفتگومیں کہا کہ 15دسمبر تک اسٹیڈیم کا کام مکمل ہو جائے گا، بھارت کےمعاملے پر اللہ بہتر کرے گا، ہم نے گیری کرسٹن سے معاہدہ نہیں توڑا، کسی پلیئر کی سلیکشن میں دخل اندازی نہیں کرتا۔
چیئرمین پی سی بی محسن نقوی کا کہنا تھا فخر زمان ٹیم میں ہوگا یا نہیں یہ سلیکشن کمیٹی بتائے گی،عاقب جاوید کے حوالے سے کوئی فیصلہ نہیں ہوا،کسی کھلاڑی کیلئے نہیں کہا کہ اس کورکھیں اس کونہیں،پانچ،سات لوگوں سے ٹیم کو چنگ پر بات چل رہی ہے، ہمارے پاس کئی عہدے خالی ہیں ان پرلوگ رکھنے ہیں۔
چیئرمین پاکستان کرکٹ بورڈ(پی سی بی) محسن نقوی نے قومی کرکٹرزسےکراچی میں ملاقات کی، محسن نقوی کی کھلاڑیوں سےملاقات نجی ہوٹل میں ہوئی،محسن نقوی نے قومی کرکٹرز کا حوصلہ بڑھایا قومی کرکٹرز آج رات دورہ آسٹریلیا کیلیے روانہ ہوں گے۔
