کرکٹ آسٹریلیا نے پاکستان کے خلاف ٹی 20 سیریز کے لئے اسکواڈ کا اعلان کردیا۔
کرکٹ آسٹریلیا کے مطابق ٹیسٹ اسکواڈ کے کچھ کھلاڑیوں کو ٹی 20 اسکواڈ کا حصہ نہیں بنایا گیا اور وہ بھارت کیخلاف ٹیسٹ سیریز کی تیاری کی وجہ سے پاکستان کے خلاف سیریز میں حصہ نہیں لے سکیں گے۔
یاد رہے کہ پاکستانی ٹیم دورہ آسٹریلیا کے دوران 3 ون ڈے اور 3 ٹی 20 انٹرنیشنل میچز کھیلے گی۔
دونوں ٹیموں کے درمیان ٹی 20 سیریز کا آغاز 14 نومبر سے ہوگا اور میچز 14 ،16 اور 18 نومبر کو کھیلے جائیں گے۔
آسٹریلوی اسکواڈ۔
شین ایبٹ، زوئیر بارلیٹ، کوپر کنولی، ٹم ڈیوڈ، نیتھن ایلس، جیک فریزر مکگرک، ایرون ہارڈی، جوش انگلس، اسپینسر جانسن، گلین میکسویل، میتھیو شارٹ، مارکس اسٹوئنس اور ایڈم زمپا شامل ہیں۔
