وائٹ بال کوچ گیری کرسٹن کے استعفی کے بعد پی سی بی ننے لوکل کوچز سے رابطہ شروع کردیا۔
ذرائع کے مطابق چئیرمین پی سی بی نے فوری طور پر ہیڈ کوچ کی تقرری کا ٹاسک سونپ دیا ہے جس کے بعد پی سی بی کے متعلقہ حکام نے 7 سے 8 لوکل کوچز سے رابطہ شروع کردیا۔ لوکل کوچز سے معاملات حل ہوگئے تو ان میں سے بھی ہیڈ کوچ لگایا جاسکتا ہے۔
دوسری جانب آسٹریلیا کیخلاف سیریز میں جیسن گلیسپی کو عبوری ہیڈ کوچ لگائے جانے کا امکان ہے۔ جیسن گلیسپی آسٹریلیا سے تعلق رکھتے ہیں انکو آسٹریلیا کے خلاف ون ڈے اور ٹی ٹونٹی میچز کی اضافہ ذمہ داری سونپی جاسکتی ہے۔
واضح رہے کہ پاکستان کی وائٹ بال ٹیم کے ہیڈ کوچ گیری کرسٹن نے استعفی دے دیا ہے، گیری کرسٹن اور بورڈ کے درمیان ٹیم سلیکشن سینٹرل کنٹریکٹ اور دیگر ایشوز پر اختلافات سامنے آئے تھے۔
ذرائع کے مطابق گیری کرسٹن نے من پسند افراد کی تقرری کی وجہ سے پی سی بی کو انڈر پریشر لانے کی کوشش کی، پی سی بی نے گیری کرسٹن گزشتہ روز فائنل جواب مانگا تھا۔ پی سی بی کا مؤقف تھا کہ استعفیٰ دو یا کام کرو یہ آپکی مرضی ہے لیکن من مانیاں نہیں ہونے دینگے۔
