پاکستان کرکٹ بورڈ نے کھلاڑیوں کے لئے سینٹرل کنٹریکٹ کا اعلان کردیا جس میں کئی کھلاڑیوں کی تنزلی ہوئی ہے۔
پی سی بی نے 25کھلاڑیوں کو سینٹرل کنٹریکٹ دے دیا، سینٹرل کنٹریکٹ کی کیٹگریز میں اکھاڑ پچھاڑ بھی کیا گیا ہے۔ شاہین آفریدی اے کیٹگری سے بی کیٹگری میں چلے گئے۔ نسیم شاہ، شاہین آفریدی اور شان مسعود بی کیٹگری میں شامل ہیں۔
فخرزمان اور سرفراز احمد کو سینٹرل کنٹریکٹ سے ڈراپ کردیا گیا جبکہ نعمان علی اور ساجد خان کو سینٹرل کنٹریکٹ مل گیا۔ بابراعظم اور محمدرضوان اے کیٹگری میں شامل ہیں۔
شاداب خان، عبداللہ شفیق، سلمان آغا اور سعود شکیل، حارث رؤف، صائم ایوب، ابراراحمد سی کیٹگری کا حصہ بن گئے۔ عامرجمال، وسیم جونیئر، محمدہریرہ، میرحمزہ ڈی کیٹگری میں شامل ہیں۔ خرم شہزاد،محمدعلی،عثمان خان،عرفان نیازی، حسیب اللہ خان، عباس آفریدی، کامران غلام بھی ڈی کیٹگری کا حصہ بن گئے۔
محمد نواز، عماد وسیم، فہیم اشرف افتخار احمد اور احسان اللہ کو بھی سنٹرل کنٹریکٹ نہیں ملا، طیب طاہر شاہنواز دھانی محمد حارث اور زمان خان بھی کنٹریکٹس سے محروم ہوگئے، ارشد اقبال، حسن علی، اسامہ میر اور امام الحق بھی کنٹریکٹس حاصل نہ کر سکے۔
