میانوالی کے علاقے ملاخیل میں پولیس سے مقابلے کے دوران 10 دہشت گرد مارے گئے۔
ترجمان پنجاب پولیس کے مطابق میانوالی میں انسداد دہشتگردی ڈیپارٹمنٹ ( سی ٹی ڈی ) اور پنجاب پولیس نے خفیہ اطلاع پر کارروائی کی جس کے دوران دہشتگردوں سے فائرنگ کے تبادلے میں 10 دہشتگرد ہلاک ہوگئے۔
ترجمان کا کہنا تھا کہ علاقے میں 10 سے 15 دہشتگردوں کی موجودگی کی اطلاع ملی تھی جس پر آپریشن کیا گیا۔
ترجمان نے مزید بتایا کہ پولیس اور دہشتگردوں کے درمیان فائرنگ کا شدید تبادلہ ہوا جس کے نتیجے میں 10 دہشتگرد مارے گئے۔
