پاکستان ملٹری اکیڈمی کاکول میں مختلف تربیتی کورسز مکمل کرنے والے کیڈٹس کی پاسنگ آؤٹ پریڈ ہوئی۔ عراق، اردن، مالدیپ، سری لنکا، نیپال، فلسطین، سوڈان اور یمن کے کیڈٹس بھی پاس آؤٹ ہونے والوں میں شامل ہیں۔
تقریب کے مہمان خصوصی چیئرمین جوائنٹ چیفس آف اسٹاف کمیٹی جنرل ساحرشمشاد تھے۔ جنرل ساحرشمشاد مرزا نے پریڈ کا جائزہ لیا اور نمایاں کارکردگی دکھانے والے کیڈٹس کو ایوارڈز بھی دیے۔
آئی ایس پی آر کے مطابق 150 ویں پی ایم اے لانگ کورس کے سینئیر انڈر آفیسر عبداللہ افضل کو اعزازی شمشیر سے نوازا گیا۔ بٹالین کے سینئراںڈر آفیسر بابر اللہ امان کو صدارتی گولڈ میڈل دیا گیا۔انہترویں انٹیگریٹڈ کورس اور چوبیسویں لیڈی کیڈٹ کورس کی پاسنگ آؤٹ پریڈ بھی ہوئی۔
چیئرمین جوائنٹ چیف آف اسٹاف کمیٹٰ اوورسیز گولڈ میڈل نیپال کے کیڈٹ نے حاصل کیا۔ آرمی چیف کی اعزازی چھڑی جونئیر انڈر آفیسر محمد عمر شیراز نے حاصل کی۔ انہترویں انٹیگریٹڈ کورس کے جونئیر انڈر آفیسر محمد سلیمان اور چوبیسویں لیڈی کیڈٹ کورس کی انڈر آفیسر پاکیزہ یعقوب کو کمانڈںٹ کین سے نوازا گیا۔
