پنجاب پولیس نےتوڑپھوڑ،جلاؤگھیراؤ میں ملوث 350ملزمان کو گرفتارکرلیا ہے۔
راولپنڈی پولیس کے جانی سے جاری کی گئی رپورٹ کے مطابق توڑ پھوڑ، جلاؤ گھیراؤ کی تحقیقات کیلئے ایس پی کی زیر نگرانی میں 6 ٹیمیں تشکیل دی گئی تھیں، پولیس نے توڑ پھوڑ، جلاؤ گھیراؤ میں ملوث 350 ملزمان کو گرفتار کر لیا ہے، توڑ پھوڑ کرنے والے ملزمان کی گرفتاریوں کیلئے 12 خصوصی ٹیمیں تشکیل دی گئیں ہیں۔
پولیس ترجمان کے مطابق خصوصی ٹیمیں سوشل میڈیا پر شرانگیزی کیلئے ابھارنے والے افراد کی بھی شناخت کر رہی ہیں، سی پی او راولپنڈی کا کہنا ہے کہ ویڈیوز کے ذریعے شناخت کر کے ملوث ملزمان کی گرفتاریاں جاری ہیں، راولپنڈی میں نجی کالج کے مختلف کیمپس کے باہر طلبہ نے احتجاج کے دوران توڑ پھوڑ کی تھی۔
