ویمنز ٹی ٹوینٹی ورلڈکپ میں پاکستانی ٹیم کا سفر نیوزی لینڈ کے ہاتھوں شکست کے بعد اختتام کو پہنچ گیاہے تاہم نیوزی لینڈ سیمی فائنل میں پہنچ گئی ہے ۔
تفصیلات کے مطابق نیوزی لینڈ کے 110 رنز کے جواب میں پاکستان کی ویمنز ٹیم 56 رنز بنا کر آوٹ ہو گئی جو کہ ٹی ٹوینٹی ورلڈکپ میں پاکستان ٹیم کا سب سے کم ترین سکور ہے ۔نیوزی لینڈ نے پاکستان کو 54 رنز سے شکست دیتے ہوئے سیمی فائنل میں جگہ بنا لی ہے ۔
پاکستان کی جانب سے فاطمہ ثنا 21 اور منیبہ علی نے 15 رنز بنائے اس کےعلاوہ پاکستان کی کوئی کھلاڑی کارکردگی نہیں دکھا سکیں ۔ دوسری جانب گروپ اے سے سری لنکا اور بھارت کی ٹیمیں بھی ایونٹ سے باہر ہو گئیں ہیں ۔
