بھارتی کرکٹ ٹیم کی جانب سے بنگلہ دیش کے خلاف ٹی 20 فارمیٹ کا دوسرا بڑا اسکور بنا دیا گیا۔
ہفتہ کو بھارت اور بنگلہ دیش کی کرکٹ ٹیمیں تیسرے ٹی 20 میں مدمقابل آئیں جہاں میزبان ٹیم نے پہلے بیٹنگ کرتے ہوئے مہمان ٹیم کو جیت کے لئے 298 رنز کا بڑا ہدف دے دیا۔
یاد رہے کہ ٹی 20 کرکٹ میں سب سے زیادہ رنز بنانے کا ریکارڈ نیپال کے پاس ہے جس نے گزشتہ سال ایشین گیمز کے دوران منگولیا کے خلاف 314 بنائے تھے۔
بنگلہ دیش کے خلاف بھارتی ٹیم نے مقررہ 20 اوورز میں 6 وکٹوں کے نقصان پر 297 رنز بنائے۔
سنجو سیمسن 47 گیندوں پر 111 رنز کی اننگ کھیل کر نمایاں رہے جن کی اننگ میں 8 چھکے اور 11 چوکے شامل تھے۔
کپتان سوریا کمار نے 5 چھکوں اور 8 چوکوں کی مدد سے 35 گیندوں پر 75 رنز جبکہ ہاردک پانڈیا نے 4 چھکے اور 4 چوکوں کی مدد سے 18 گیندوں پر 47 رنز کی برق رفتار اننگ کھیلی۔
