پاکستان اور انگلینڈ کے درمیان ملتان میں کھیلے جا رہے پہلے ٹیسٹ میچ کے چوتھے روز لیگ اسپنر ابرار احمد بخار میں مبتلا ہو گئے۔
بخار کی وجہ سے ابرار احمد چوتھے روز ٹیم کے ساتھ فیلڈ میں نہیں آئے،ملتان ٹیسٹ کی پہلی اننگز میں ابرار احمد نے 35 اوورز کرائے اور 174 رنز دیے۔ابرار نے 35 اوورز میں کوئی وکٹ حاصل نہیں کی۔
واضح رہے کہ پاکستان اور انگلینڈ کے درمیان ملتان ٹیسٹ میچ میں چوتھے روز کا کھیل جاری ہے،کھیل کا آغاز ہونے کے کچھ دیربعد انگلش بیٹرجو روٹ نےڈبل سنچری مکمل کی جوکہ ان کی چھٹی ڈبل سنچری ہے۔ یوں انگلینڈ نے پہلی اننگز میں پاکستان پر برتری بھی حاصل کرلی۔
