ساہیوال میں طلبہ اور عام عوام کی جانب سے آئینی عدالتوں اور آئینی ترامیم کے حق میں ریلی نکالی گئی۔
شرکاء کا کہنا تھاکہ 130 ویں نمبرپر چلنے والی عدالتوں سے انصاف کی توقعات نہیں،مظاہرین نے آئینی ترمیم کےحق میں نعرے بلند کیے اور مطالبہ کیا کہ آئین میں ایسی تبدیلیاں کی جائیں جو انصاف کی فراہمی کو یقینی بنائیں۔
شرکاء نےموجودہ عدالتی نظام میں اصلاحات کی ضرورت پر زور دیا اور کہا کہ یہ نظام عوام کے مسائل کے حل میں ناکام ہو چکا ہے۔
مظاہرے کے اختتام پر شرکاء نے اس عزم کا اظہار کیا کہ وہ اپنے حقوق کی جدوجہد جاری رکھیں گے اور آئینی ترمیم کے مطالبے کو ہر فورم پر اٹھائیں گے۔
