ایف آئی اے امیگریشن نے کراچی ایرپورٹ پر کارروائی کرتے ہوئے جعلی دستاویزات پر بیرون ملک سے آنے والے مسافر کو گرفتار کرلیا گیا ہے۔
کراچی ائیر پورٹ پر فیڈرل انویسٹیگیشن ایجنسی (ایف آئی اے) امیگریشن کی جانب سے جاری کی گئی معلومات کے مطابق گرفتار ملزم محمد نعیم خان ملائیشیاء سے پاکستان پہنچا تھا ملزم کے پاسپورٹ پر26 مارچ 2023 کو کراچی سے روانگی کی جعلی امیگریشن اسٹیمپ لگی ہوئی تھی۔
مذکورہ جعلی اسٹمپ کا آئی بی ایم ایس میں ریکارڈ موجود نہ تھا ملزم نے ملائیشیا میں مقیم بخت نواب نامی ایجنٹ سے3 ہزار 4 سو رنگٹ کے عوض مذکورہ جعلی اسٹمپ حاصل کی۔ ملزم کو مزید کارروائی کے لیے انسدادِ انسانی سمگلنگ سرکل منتقل کردیا گیا ہے۔
