ہانگ کانگ ورلڈ سکسز ٹورنامنٹ کیلئے پاکستانی سکواڈ کا اعلان کر دیا گیا۔
ہانگ کانگ ورلڈ سکسز ٹورنامنٹ کا انعقاد یکم نومبر سے 3 نومبر تک کولون کرکٹ کلب میں ہوگا جس کے لئے پاکستان کے 7 رکنی سکواڈ کا اعلان کر دیا گیا ہے۔
پاکستان کرکٹ بورڈ ( پی سی بی ) کی جانب سے جاری کردہ اعلامیہ کے مطابق ایونٹ میں پاکستانی سکواڈ کی قیادت آل راؤنڈر فہیم اشرف کے سپرد کی گئی ہے۔
پاکستان کے 7 رکنی سکواڈ میں فہیم اشرف کے علاوہ عامر یامین، آصف علی، دانش عزیز، حسین طلعت، وکٹ کیپر بیٹر محمد اخلاق اور شہاب خان شامل ہیں۔
7 سال بعد ہونے والے ایونٹ میں 8 ممالک کی ٹیمیں شریک ہوں گی۔
یاد رہے کہ 1993 سے شروع ہونیوالے ہانگ کانگ ورلڈ سکسز ٹورنامنٹ میں پاکستانی ٹیم 4 بار فاتح جبکہ 5 بار رنرز اپ رہی ہے۔
