اداکار اور شیو سینا کے رہنما گووندا نے غلطی سے اپنےہی ریوالور سے خود کو گولی مار لی۔
بھارتی میڈیارپورٹس کےمطابق اداکارگووندا کےریوالور سےغلط فائر ہوا اورگولی ان کےگھٹنے میں جا لگی۔وہ اپنے ریوالور کو چیک کررہے تھے کہ اسی دوران گولی چل گئی۔
میڈیارپورٹس میں بتایاگیا کہ انھیں ممبئی کے کریٹی کیئر ہسپتال کے انتہائی نگہداشت یونٹ (آئی سی یو) میں داخل کرایا گیا ہے،ہسپتال انتظامیہ نے اداکار کی حالت کے بارے تبصرہ کرنے سے گریز کیا ہے۔
واقعہ کے وقت گووندا کی اہلیہ سنیتا آہوجا ممبئی میں نہیں تھیں۔ آہوجا کا کہنا ہے کہ گووندا ٹھیک ہیں اور اب خطرے سے باہر ہیں۔
خیال رہے کہ گووندا 90 کی دہائی میں کامیڈی ہیرو کے طور پر بےحد مقبول تھے۔گووندا کی مقبول سپر ہٹ فلموں میں آنکھیں (1993)، راجا بابو (1994)، قُلی نمبر 1 (1995)، دیوانہ مستانہ (1997)، دُلہے راجہ (1998)، بڑے میاں چھوٹے میاں (1998)، اناڑی نمبر 1 (1999) اور جوڑی نمبر 1 (2001) شامل ہیں۔2000 کی دہائی میں انہوں نے بھاگم بھاگ (2006)، پارٹنر (2007) اور لائف پارٹنر (2009) جیسی بلاک بسٹر فلموں میں کام کیا۔
