بینک آف انگلینڈ نے شرح سود 5 فیصد پر برقرار رکھنےکا فیصلہ کیا ہے۔
تفصیلات کے مطابق بینک آف انگلینڈ نےگزشتہ ماہ 4 سال بعد سود کی شرح 5.25 سےکم کرکے 5 فیصدکردی تھی۔ بینک آف انگلینڈ کی مانیٹری پالیسی کمیٹی کے ارکان نے 1-8 کے تناسب سے فیصلہ دیا۔
خیال رہے کہ برطانیہ میں مہنگائی کی سطح بینک آف انگلینڈکے مقررہ 2 فیصد ہدف سے 0.2 فیصد زائد ہے۔ معاشی ماہرین آئندہ ماہ شرح سود میں کمی کی توقع کر رہے ہیں۔
گورنربینک آف انگلینڈ کا کہنا ہےکہ مہنگائی کم رہی تو آئندہ چند ماہ میں شرح سود میں مزیدکمی کی جاسکتی ہے۔
گزشتہ روز امریکا میں 4 سال بعد شرح سود میں کمی کا اعلان کیا گیا تھا۔
غیر ملکی میڈیا کے مطابق امریکی مرکزی بینک نے شرح سود میں 50 بیسسز پوائنٹس کمی کا اعلان کرتے ہوئے فیڈ فنڈ ریٹ 4.75 سے 5 فیصد کر دیا تھا ۔ شرح سود میں یہ کمی تجزیہ کاروں کی حالیہ عرصے میں کی گئی پیشگوئیوں سے بڑی ہے۔
اس سے قبل جولائی 2023 سے فیڈ فنڈ ریٹ 5.25 سے5.50 فیصد پر برقرار تھا۔
