وفاقی وزیر داخلہ محسن نقوی نے ضلع بے نظیر آباد میں نامعلوم افراد کی فائرنگ سے شہید ہونے والے رینجرز انسپکٹر شاہ رخ خان کو خراج عقیدت پیش کیا ہے۔ انہوں نے شہید کے اہل خانہ سے دلی ہمدردی اور تعزیت کا اظہار کیا۔
وفاقی وزیر داخلہ محسن نقوی نے شہید رینجرز انسپکٹر شاہ رخ خان کی قربانی کو خراج عقیدت پیش کرتے ہوئے کہا کہ انہوں نے فرائض کی ادائیگی کے دوران اپنی جان کا نذرانہ پیش کر کے شہادت کا اعلیٰ ترین رتبہ پایا۔
محسن نقوی نے شہید کے اہل خانہ سے اظہار ہمدردی کرتے ہوئے کہا کہ وہ اس غم کی گھڑی میں ان کے ساتھ کھڑے ہیں اور دکھ میں برابر کے شریک ہیں۔ وزیر داخلہ کا کہنا تھا کہ قوم ایسے بہادر سپوتوں کی قربانیوں کو ہمیشہ یاد رکھے گی۔
