190 ملین پاؤنڈ ریفرنس میں احتساب عدالت نے اشتہاری ملزم زلفی بخاری کی جائیداد ضبط کرنے کے احکامات جاری کردئیے۔
جج احتساب عدالت ناصرجاوید رانا نے زلفی بخاری کی جائیدادضبط کرنے کے احکامات جاری کیے،عدالت نے ریماکس دئیےکہ زلفی بخاری جان بوجھ کرعدالتی کارروائی کاحصہ نہیں بنے،انہیں 6 جنوری 2024 کو عدالت کی جانب سےاشتہاری قرار دیا گیا تھا۔
عدالتی حکمنامے کےمطابق زلفی بخاری اسلام آباد میں مجموعی طور پر 34 کنال اراضی کےمالک ہیں،وہ اٹک میں مجموعی طور پر 1301 کنال اراضی کے مالک ہیں۔انکی اسلام آباد اوراٹک میں اراضی ضبط کی جاتی ہے،معلوم ایڈریسزپر نوٹسزجاری کرکے7 روز میں تعمیلی رپورٹ جمع کرائی جائے۔
