حال ہی میں ہونڈا نے اپنی دونوں مشہور زمانہ موٹر سائیکلوں سی ڈی 70 اور سی جی 125 کے نئے ماڈلز متعارف کروائے ہیں لیکن ان کے صرف سٹیکرز ہی تبدیل کیئے گئے ہیں لیکن اب یونائیٹڈ نے اپنی 70 سی سی موٹر سائیکل میں 26 تبدیلیاں کرتے ہوئے نیا ماڈل مارکیٹ میں مقابلے کیلئے اتار دیاہے ۔
تفصیلات کے مطابق یونائیٹڈ نے اپنی ’ یو ایس 70‘ کا نیا ماڈل مارکیٹ میں اتار دیاہے جس کی قیمت ایک لاکھ 19 ہزار 500 روپے ہے تاہم اگر آپ 40 ہزار مزید خرچنے کی صلاحیت رکھتے ہیں تو آپ ہونڈا کی سی ڈی 70 بھی خرید سکتے ہیں ۔ اگر مارکیٹ ویلیو کی بات کی جائے تو اس میں کوئی شک نہیں کہ سی ڈی 70 حقیقت میں کیش ڈپازٹ ہے جبکہ یونائیٹڈ شورم سے نکلنے کے بعد فوری اپنی بھاری مالیت کھو دیتی ہے جسے ہمیں مارکیٹ ویلیو کہہ سکتے ہیں ۔
یونائیٹڈ کاکہناہے کہ انہوں نے اپنی موٹر سائیکل کی پائیداری کو مزید بہتر بنا دیاہے ، اس کا سیٹ کیریئر ، سیٹ اسمبلی، مڈ گارڈ، مین سٹینڈ، بریک پیڈل ، کک سمیت دیگر چیزوں کی پائیداری بڑھاتے ہوئے تبدیلیاں کی گئیں ہیں ۔جبکہ موٹر سائیکل کے سٹیکرز بھی نئے دیئے گئے ہیں ۔
