لاہور ہائیکورٹ نے چیئرمین نادرا لیفٹیننٹ جنرل منیر افسر کو بحال کردیا۔
تفصیلات کے مطابق لاہور ہائیکورٹ میں جسٹس چوہدری محمد اقبال کی سربراہی میں دو رکنی بینچ نے چیئرمین نادرا لیفٹیننٹ جنرل منیر افسر کو عہدے سے ہٹانے کیخلاف انٹرا کورٹ اپیل تقرری کو کالعدم قرار دینے کا فیصلہ معطل کردیا۔
عدالت نے استفسار کیا کہ درخواست میں کونسا نوٹیفکیشن چیلینج ہوا تھا ؟ سرکاری وکیل نے کہا کہ درخواست میں نگران حکومت کا چیئرمین نادرا کی تقرری کا نوٹیفکیشن چیلنج ہوا تھا، درخواست صرف نگران حکومت کے نوٹیفکیشن کی حد تک محدود رہی، درخواست گذار نے کبھی بھی نئے رول کو چیلینج نہیں کیا۔
عدالت نے سرکاری وکیل کے دلائل سننے کے بعد چیئرمین نادرا لیفٹیننٹ جنرل منیر افسر کوعہدے سے ہٹانے کیخلاف انٹرا کورٹ اپیل تقرری کو کالعدم قرار دے کر انہیں اپنے عہدے پر بحال کردیا۔
