سی ٹی ڈی نے لاہور سمیت مختلف شہروں میں انٹیلی جنس بیسڈ آپریشن کیا جس میں القائدہ کے اہم رکن سمیت 6 دہشت گردوں کو گرفتار کیا گیا ہے۔
سی ٹی ڈی حکام نےداعش والقائدہ سمیت کالعدم تنظیموں کے 33 دہشت گردوں کوگرفتار کرنے کا دعویٰ کیا ہے،حکام کا کہنا ہےکہ لاہور سےگرفتار دہشت گردوں میں بخت جمال ،حمزہ آیت اللہ اور فیصل شامل ہیں۔
سی ٹی ڈی حکام کا کہنا ہے کہ دہشت گردمختلف شہروں میں کالعدم تنظیموں کے ایجنڈے پر کام کررہے تھے ،گرفتار دہشت گرد حساس مقامات کی ریکی کرکے دہشت گردی کا منصوبہ بناچکے تھے
دہشت گردوں کے قبضے سے بارودی مواد ، اسلحہ، ہینڈ گرنیڈ اور رقم برآمد ہوئی ہے،ملزمان کے خلاف مقدمات درج کرکے تفتیش شروع کردی۔
