سربراہ جمعیت علماء اسلام ( جے یو آئی ) مولانا فضل الرحمان نے چیف جسٹس قاضی فائزعیسیٰ سے وفاقی شرعی عدالت کے سودی نظام کے خاتمے کے فیصلے کیخلاف بینکس کی اپیلیں جلد نمٹانے کی اپیل کردی۔
جے یو آئی کے سربراہ مولانا فضل الرحمان کی جانب سے چیف جسٹس سپریم کورٹ قاضی فائز عیسیٰ کو خط لکھا گیا ہے جس میں انہوں نے وفاقی شرعی عدالت کے سودی نظام کے خاتمے کے فیصلے کیخلاف بینکس کی اپیلیں جلد نمٹانے کی اپیل کی ہے۔
خط کے متن کے مطابق وفاقی شرعی عدالت کے گزشتہ سال کے فیصلے میں مالیاتی نظام کو 5 سال میں سود سےپاک کرنے کا حکم دیا گیا ہے اس لئے فیصلے کے خلاف مختلف بینکوں کی دائر اپیلوں کو جلد نمٹایا جائے۔
خط میں لکھا گیا کہ حکومت سود سے پاک مالیاتی ڈھانچے کی تشکیل کے لیے اقدامات اٹھائے ۔
مولانا فضل الرحمان کی جانب سے کہا گیا کہ آپ کا آخری مختصر فیصلہ لائق تحسین ہے اور تفصیلی فیصلہ جلدی جاری کرنے سے پاکستان کے مسلمان پوری طرح مطمئن ہو جائیں گے ۔
