پاکستان کرکٹ بورڈ نے قومی فاسٹ باولر حارث روف کو این او سی جاری کرنے سے انکار کر دیاہے ۔
ذرائع کے مطابق قومی فاسٹ باولر حارث روف نے بگ بیش لیگ کیلئے اسپیشل این او سی کے لئے پی سی بی سے درخواست کی تھی لیکن پاکستان کرکٹ بورڈ نے حارث روف کی درخواست کو مسترد کر دیاہے ۔
پی سی بی نے جواب دیتے ہوئے کہا کہ آپ دو لیگز ایم ایل سی اور دی ہنڈرڈ کھیل چکے ہیں اس لئے اب این او سی نہیں دیا جاسکتا،حارث روف کا بگ بیش لیگ کے لئے 4 لاکھ ڈالر کا کنٹریکٹ ہونا تھا،حارث روف کو پک کرنے کے لئے میلبرن اسٹارز اور سڈنی تھنڈرز خواہشمند تھیں۔
پی سی بی نے بابر اعظم،صائم ایوب سمیت دیگر کرکٹرز کو بھی چیمپئنز کپ کی وجہ سے این او سی جاری نہیں کیا، اسامہ میر کو پی سی بی نے بگ بیش کے لئے این او سی جاری کیا تھا۔
