کرکٹ کو 2028 میں ہونے والے لاس اینجلس اولپمکس گیمز میں شامل کر لیا گیا ۔
برطانوی میڈیا رپورٹس کرکٹ کے ساتھ فلیگ فٹبال، بیس بال اور سافٹ بال کو بھی اولمپک کا حصہ بنا لیا گیا، اولمپک گیمز کی آرگنائزنگ کمیٹی بہت جلد کھیلوں کی شمولیت کے بارے میں اعلان کرے گی۔
میڈیا رپورٹس کے مطابق اسکواش کو اولمپک گیمز میں اضافی کھیل کے طور پر شامل کرنے کی تجویز دی گئی ہے ،لاس اینجلس اولمپک گیمز میں مرد اور خواتین کے کرکٹ مقابلے ٹی ٹوینٹی فارمیٹ میں ہوں گے۔
رپورٹس کے مطابق کرکٹ کو اولمپک میں پہلی بار 1900 میں شامل کیا گیا تھا،لاس اینجلس اور انٹرنیشنل اولمپک پروگرام کمیشن اتوار سے شروع ہونے والے آئی او سی کے 141 ویں سیشن میں باقاعدہ اعلان کرے گی۔
