تبادلہ مارکیٹ میں روپے کے مقابلے میں امریکی ڈالر کی قدر میں کمی تسلسل آج بھی برقرار ہے۔
کرنسی ڈیلرز کے مطابق کاروباری ہفتے کے تیسرے روز انٹربینک میں ڈالر کی قدر میں مزید 7 پیسے کی کمی ہوگئی، جس سے ڈالر کی قیمت 278 روپے ، 25 پیسے ہو گئی۔
اسٹیٹ بینک آف پاکستان ( ایس بی پی ) کی جانب سے جاری کردہ اعدادو شمار کے مطابق گزشتہ روز بھی انٹربینک میں روپے کے مقابلے ڈالر کی قدر میں 10 پیسے کی کمی ریکارڈ کی گئی ہے۔
دوسری جانب اسٹاک مارکیٹ میں کاروبار کا آغاز مثبت زون میں ہوا ، 100 انڈیکس میں 220 پوائنٹس کا اضافہ ریکارڈ کیا گیا جس سے انڈیکس 78 ہزار 312 پوائنٹس کی سطح پر پہنچ گیا۔
یاد رہے کہ گزشتہ روز اسٹاک ایکسچینج میں کاروبار کا اختتام منفی زون میں ہونے کے باعث سرمایہ کاروں کو اربوں کا نقصان برداشت کرنا پڑا تھا۔
