کاروباری ہفتے کے دوسرے روز بھی انٹربینک میں امریکی ڈالر کی قدر میں کمی کا تسلسل برقرار ہے۔
کرنسی ڈیلرز کے مطابق انٹر بینک میں ڈالر کی قدر میں 12 پیسے کی کمی ہوگئی، جس سے انٹر بینک میں امریکی ڈالر 278 روپے 30 پیسے پر آگیا۔
یاد رہے کہ اسٹیٹ بینک آف پاکستان ( ایس بی پی ) کی جانب سے جاری کردہ اعدادو شمار کے مطابق کاروباری ہفتے کے پہلے روز بھی انٹربینک میں روپے کے مقابلے ڈالر کی قدر میں 8 پیسے کی کمی ریکارڈ کی گئی ہے ۔
دوسری جانب اسٹاک ایکسچینج میں تیزی کا رجحان دیکھا گیا ، کاروبار کے آغاز پر 100 انڈیکس میں 206 پوائنٹس کا اضافہ ہوا جس سے انڈیکس 78 ہزار 777 کی سطح پر آ گیا۔
واضح رہے گزشتہ روز کاروباری دن کا اختتام منفی زون میں ہوا جس کے بعد 100 انڈیکس 230 پوائنٹس کی کمی کیساتھ 78 ہزار 571 پوائنٹس کی سطح پر بند ہوا تھا۔
