اینٹی کرپشن کی خصوصی عدالت لاہور میں سابق وزیراعلیٰ پنجاب کے بیٹے راسخ الہیٰ، قیصرہ الہیٰ سمیت 4 ملزمان کی عبوری ضمانت پرسماعت ہوئی ہے۔
اینٹی کرپشن عدالت لاہور میں راسخ الہی ،قیصرہ الہی سمیت 4 ملزمان کی عبوری ضمانت کیس کی سماعت ہوئی، اینٹی کرپشن عدالت کے جج علی رضا اعوان نے عبوری ضمانتوں پر سماعت کی۔ عدالت نے چاروں ملزمان کی ضمانتوں میں 25 اکتوبر تک توسیع کردی۔
عدالت نے تفتیشی افسر سے ملزمان کی آئندہ سماعت پررپورٹ طلب کرلی جبکہ چاروں ملزمان کی ضمانتوں میں پچیس اکتوبر تک توسیع کردی۔ ملزمان کے خلاف اینٹی کرپشن نے بد عنوانی کا مقدمہ درج کررکھا ہے تاہم ملزمان کا مؤقف ہے کہ سیاسی انتقام کا نشانہ بنایا جارہا ہے۔
