پاکستان تحریک انصاف ( پی ٹی آئی ) کے بانی عمران خان کی اہلیہ بشریٰ بی بی کو سانحہ 9 مئی کے 12 مقدمات سے ڈسچارج کردیا گیا۔
منگل کو اڈیالہ جیل راولپنڈی میں انسداد دہشتگردی عدالت کے جج ملک اعجاز آصف سانحہ 9 مئی کے 12 مقدمات میں بشریٰ بی بی کی درخواست پر سماعت کی۔
انسداد دہشتگردی عدالت نے بشریٰ بی بی کی درخواست منظور کرتے ہوئے انہیں کیسز سے ڈسچارج کردیا۔
بشریٰ بی بی راولپنڈی میں درج 9 مئی کے 12مقدمات میں ملزمہ نامزد تھیں جبکہ ان پر جی ایچ کیو اور حساس اداروں پر حملے کے مقدمات بھی درج تھے۔
پولیس نے ملزمہ کی طلبی اور جسمانی ریمانڈ حاصل کرنے کی درخواست دائر کر رکھی تھی۔
تاہم، عدالت نے پولیس کی استدعا مسترد کردی اور انہیں 12 مقدمات سے ڈسچارج کردیا ۔
