شمالی وزیرستان کے علاقے ایف آر بنوں بکاخیل میں بم دھماکے میں بچہ جاں بحق اور خاتون سمیت 2 افراد زخم ہوگئے۔
پولیس کے مطابق شمالی وزیرستان کے علاقے ایف آر بنوں بکا خیل میں کھلونا بم کے دھماکے میں 7 سالہ بچہ جاں بحق جبکہ خاتون سمیت 2 افراد زخمی ہوگئے۔
پولیس کا کہنا ہے کہ جاں بحق ہونیوالے بچے کو گھر کے قریب کھلونا کرکٹ بیٹ اور گیند ملی تھی، بچہ یہ چیزیں گھر لا کا کھیلنے لگا جس میں اچانک دھماکا ہوگیا۔
پولیس کے مطابق دھماکے میں جاں بحق 7 سالہ بچے کی شناخت ذبیح اللہ کے نام سے ہوئی جبکہ زخمیوں میں 12 سالہ وسیم اللہ اور 28 سالہ خاتون بھی شامل ہے۔
پولیس کا کہنا ہے کہ جاں بحق بچے کی لاش اور زخمیوں کو نزدیکی اسپتال منتقل کردیا گیا۔
