پاکستان تحریک انصاف ( پی ٹی آئی ) کے وکیل سلمان اکرم راجہ نے پنجاب میں الیکشن ٹریبونلز کے قیام کے کیس میں التوا کی درخواست دائر کر دی ۔
پی ٹی آئی وکیل سلمان اکرم راجہ نے متفرق درخواست میں مؤقف اپنایا کہ سینئر وکیل حامد خان چھ ستمبر تک بیرون ملک ہیں اور وہ عدالت کو چھٹی کی درخواست بھی دے چکے ہیں ۔
سلمان اکرم راجہ نے استدعا کی ہے کہ پنجاب میں الیکشن ٹریبونلز کے قیام کے کیس کی سماعت حامد خان کی واپسی تک ملتوی کی جائے۔
سپریم کورٹ کے لارجر بینچ کے سامنے کیس کی سماعت 19 اگست کو مقرر ہے۔
