جنوبی وزیرستان میں سیکورٹی فورسز اور خوارج کے درمیان جھڑپ میں 4 فوجی اہلکار شہید ہوگئے جبکہ 6 خوارج مارے گئے۔
پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان میں سیکورٹی فورسز اور خوارج کے درمیان فائرنگ کا تبادلہ ہوا، سیکیورٹی فورسز کی بروقت کاروائی سے 6 خوارج جہنم واصل ہوگئے۔ فائرنگ کے تبادلے کے دوران وطن کے 4 بہادر بیٹے شہید ہوگئے۔
آئی ایس پی آر کے مطابق شہداء میں حوالدارنثارحسین ،نائیک رشید گل ،نائیک عرفان اللہ خان اورسپاہی عثمان رفاقت شامل ہیں۔ ترجمان کا کہنا ہے کہ سیکیورٹی فورسز دہشت گردی کی لعنت کو ختم کرنے کے لیے پرعزم ہیں۔
بیان میں مزید کہا گیا ہے کہ علاقے میں کسی بھی خارجی کو ختم کرنے کیلئے سینی ٹائزیشن آپریشن کیاجارہا ہے، ہمارے بہادر سپاہیوں کی قربانیاں ہمارے عزم کو مزید مضبوط کرتی ہیں۔
