اولمپئین ارشد ندیم کو وزیراعلی پنجاب مریم نواز نے 10 کرو ڑ انعام کے علاوہ گاڑی بھی تحفے میں دی ہے جس کے لئے ایکسائز اینڈ ٹیکسیشن پنجاب نے ایک مخصوص نمبر پلیٹ تیار کی۔
سماء سے خصوصی گفتگو کرتے ہوئے سیکریٹری ایکسائز پنجاب مسعود مختار کا کہنا تھا کہ قومی ہیرو کو مخصوص نمبر پلیٹ دینا ایکسائز اینڈ ٹیکسیشن کےلئےاعزازکی بات ہے۔
انہوں نے کہا کہ اولمپئین کی تھرو کی مناسبت سے نمبر پلیٹیں تیار کی گئیں ۔ نمبر پلیٹ کا یونیورسل نمبر تین اعداد میں ہوتا ہے جبکہ ہیرو کو چار اعداد کا نمبر خصوصی طور پر دو گھنٹوں میں بنا کر دیا گیا جو کہ ایک چیلنج سے کم نہیں تھا۔
ارشد نے 92.97 کی تھرو پھینکی تو گاڑی کا نمبر بھی اس مناسبت سے دیا گیا۔ ان کا کہنا تھا زندہ قومیں اسی طرح اپنے ہیروز سے اپنی محبت کا اظہار کرتی ہیں۔
