انسداد بجلی چوری مہم کے تحت ملکی معیشت کی بحالی کیلئے حکومتی اقدامات جاری ہیں۔
ملکی معیشت کی بحالی اورعوام کو بجلی کے بحران سے نکالنے کے لیے حکومت اور عسکری قیادت کے اقدامات کے ثمرات اب آشکار ہورہے ہیں۔
بجلی چوروں کے خلاف سخت کریک ڈاؤن میں ملک بھر سے اب تک 107 ارب 54 کروڑ روپے وصول اور 83 ہزار سے زائد بجلی چور گرفتار کیے جاچکے ہیں۔
اگست کے دوران متعلقہ اداروں نے لاہور، گجرانوالہ، فیصل آباد، ملتان اور اسلام آباد میں بجلی چوروں سے 1 ارب 3 کروڑ سے زائد رقم وصول کی۔
پشاور،حیدرآباد،سکھر اور کوئٹہ سے 68 کروڑ وصول ہوئے،متعلقہ ادارے ملک بھر سے بجلی چوروں کے مکمل خاتمے تک اپنی کاروائیاں جاری رکھنے کے لیے پرعزم ہیں۔
