وزیراعظم شہبازشریف نے اولمپکس گولڈ میڈلسٹ ارشد ندیم کو خاندان سمیت آج ایوان وزیراعظم مدعو کرلیا،ارشد ندیم اپنے اہلخانہ کے ہمراہ وزیراعظم کےطیارے میں اسلام آباد آئیں گے۔
پیرس اولمپکس میں ملک وقوم کانام سربلندکرنےوالےارشدندیم وزیراعظم سےملاقات کریں گے،ان کے اعزاز میں استقبالیہ کا بھی اہتمام کیاگیا ہے،وزیراعظم نے ہدایت کی ہے قومی ہیرو کا استقبال شایان شان ہونا چاہیے ۔
ذرائع کےمطابق استقبالیہ میں سابق اولمپیئنزکو بھی مدعو کیا گیا ہے،کابینہ اراکین اورسینئر پارلیمنٹیرینز بھی تقرب میں شریک ہوں گے۔وزیراعظم ارشد ندیم اور ان کے اہل خانہ کو عشائیہ بھی دیں گے۔
