بنگلہ دیش کرکٹ بورڈ نے دورہ پاکستان کے لئے 16 رکنی ٹیسٹ اسکواڈ کا اعلان کر دیا۔
یاد رہے کہ پاکستان اور بنگلا دیش کے درمیان سیریز کا پہلا ٹیسٹ میچ 21 اگست سے راولپنڈی میں کھیلا جائے گا جبکہ دوسرا ٹیسٹ میچ 30 اگست سے کراچی میں ہوگا۔
لازمی پڑھیں۔ گارنٹی دیتا ہوں ٹیم میں میچ فکسنگ کا کوئی عنصر نہیں، شان مسعود
بنگلہ دیشی ٹیم کو پہلے 17 اگست کو اسلام آباد پہنچنا تھا لیکن پی سی بی نے بنگلہ دیش بورڈ کو ٹیم پہلے بھیجنے کی پیشکش کی تھی جسے قبول کیا گیا اور اب مہمان ٹیم 13 اگست کو پاکستان پہنچے گی۔
بی سی بی کی جانب سے ٹیسٹ سیریز کے لئے سکواڈ کا اعلان بھی کر دیا گیا ہے جس کی قیادت نجم الحسن شنتو کریں گے۔
فاسٹ باؤلر تسکین احمد بھی اسکواڈ کا حصہ ہیں جبکہ شکیب الحسن بھی پاکستان کا دورہ کرنے والی ٹیم میں شامل ہیں۔
بنگلہ دیشی میڈیا کے مطابق شکیب الحسن امریکا سے پاکستان پہنچیں گے۔
بنگلا دیشی اسکواڈ:
نجم الحسن شانتو (کپتان)، محمود الحسن جوئے، ذاکر حسن، شادمان اسلام، مومن الحق، مشفق الرحیم، شکیب الحسن، لٹن کمر داس، مہدی حسن میراز، تیج الاسلام، نعیم حسن، ناہید رانا، شرف الاسلام، حسن محمود، تسکین احمد، سید خالد احمد ۔
