ترجمان دفتر خارجہ کا کہنا ہے کہ تمام فریقین بشمول میڈیا جعلی خبروں کو پھیلانے میں ملوث نہ ہوں،ایران کو شاہین تھری میزائل دینے کی رپورٹس صریحاً غلط ہیں۔
اسلام آباد میں ہفتہ وار بریفنگ میں ترجمان دفتر خارجہ ممتاز زہراء بلوچ سے سوال کیا گیا کہ تہران ٹائمز کی جانب سے یروشلم پوسٹ کی ایک رپورٹ کو ری ٹویٹ کیا گیا جس میں کہا گیا ہے کہ پاکستان نے حماس کے رہنما اسماعیل ہنیہ کے قتل کے بعد ایران کو شاہین تھری میزائل بھیجنے کا عہد کیا ہے۔؟
ترجمان دفتر خارجہ ممتاز زہراء بلوچ نے یروشلم پوسٹ کی رپورٹ پر ردعمل دیتے ہوئےسوال کے جواب میں کہا کہ ایران کو پاکستانی شاہین تھری میزائل دینے کی رپورٹس صریحاً غلط ہیں، ایسی رپورٹس پر کوئی توجہ دینے سے پہلے ضروری ہے کہ ایسی بے بنیاد رپورٹس کے پس پردہ ماخذ اور ان کے پس پردہ بدنیتی پر مبنی ایجنڈے پر غور کیا جائے۔
ترجمان دفتر خارجہ کا ردعمل میں مزید کہنا تھا کہ یہ مشرق وسطیٰ میں ایک نازک وقت ہے اس لیے ہم میڈیا سمیت تمام فریقین سے گزارش کرتے ہیں کہ وہ جعلی خبروں کو پھیلانے میں ملوث نہ ہوں۔
آصف مرچنٹ کی گرفتاری پرپاکستان امریکا سے مزید تفصیلات کا منتظرہے
آصف مرچنٹ کی گرفتاری پرترجمان دفترخارجہ نےردعمل دیتےہوئےکہا کہ امریکا کے ساتھ رابطہ کیا ہےمزید تفصیلات کا انتظار کر رہے ہیں، پاکستان امریکا سے اس کیس کی مزیدتفصیلات آنے کا منتظر ہے، امریکا سےمعلومات آنے کے بعدمزید وضاحت دی جائے گی۔
ترجمان دفترخارجہ ممتاززہرا بلوچ نے ہفتہ واربریفنگ میں کہا کہ پاکستان امریکا کے ساتھ اپنے تعلقات کو اہمیت دیتا ہے،امید ہےکہ امریکی کانگرس پاکستان کے ساتھ تعلقات بہتر بنانے میں کردار ادا کرے گی
بنگلہ دیش کے حالات پر بھارت کے پاکستان کے ملوث ہونے کے الزامات مسترد کرتے ہیں
ترجمان دفترخارجہ نےبنگلہ دیش کے حالات پر بھارت کے الزام پر کہا کہ پاکستان اوربنگلہ دیش کےمثبت تعلقات ہیں ،پاکستان کےہائی کمشنر نےبنگلہ دیش کےنئےوزیراعظم کی تقریب حلف برداری میں شرکت کی۔
وزیراعظم نےپروفیسر یونس کو مبارکباددیتےہوئےساتھ کام کرنےکی خواہش کی ہے، امیدہےبنگلہ دیش میں حالات جلدنارمل ہوجائیں گے،بنگلہ دیش کےحالات پر بھارت کے پاکستان کےملوث ہونے کے تمام بیانات مسترد کرتے ہیں۔
