گورنر سندھ کامران ٹیسوری نے اولمپکس میں پاکستان کیلئے 32 سال بعد پہلا گولڈ میڈل جیتنے والے قومی جیولین تھرور ارشد ندیم کیلئے 2 ملین کا اعلان کردیا ۔
سماء سے خصوصی گفتگو کرتے ہوئے گورنر سندھ کامران ٹیسوری کا کہنا تھا کہ ارشد ندیم نے پوری قوم کا سرفخر سے بلند کردیا اور آزادی کا مزہ دوگنا ہوگیا ہے۔
گورنر سندھ کا کہنا تھا کہ پاکستان میں ٹیلنٹ کی کمی نہیں، کوشش کروں گا 14اگست کو ارشد ندیم کو گورنر ہاؤس بلائیں۔
کامران ٹیسوری کا کہنا تھا کہ 14 اگست پر ارشد ندیم کو گورنرہاؤس آنے کی دعوت دوں گا، پاکستان ارشد ندیم جیسے لوگوں سے بھرا پڑا ہے، ارشد ندیم نے بھارت سے کرکٹ میں ہارنے کا بدلہ لے لیا۔
ان کا مزید کہنا تھا کہ یہ ترقی اور کامرانی کا سفر جاری رہے گا ۔
