پاکستان انٹرنیشنل ائیر لائنزنے کوئٹہ سے جدہ خصوصی عمرہ پروازوں کے کرایوں میں دس ہزار روپے کی کمی کردی ۔
گورنر بلوچستان جعفرخان مندوخیل نے پی آئی اے اور سول ایوی ایشن اتھارٹی کہ اس اقدام کو قابل ستائش قراردیا اور کہا کہ کوئٹہ سے جدہ براہ راست عمرہ فلائٹ شروع کرنے کے بعد ہم خصوصی عمرہ پروازوں کے کرایوں میں ہماری درخواست پر دس ہزار کمی کرنے پر پاکستان انٹرنیشنل ائیر لائنز اور سول ایوی ایشن اتھارٹی کے تمام حکام کا تہہ دل سے شکریہ ادا کرتے ہیں۔
اس قابل ستائش اقدام نے بےشمار عمرہ زائرین کیلئے مقدس ہوائی سفر کو مزید قابل رسائی اور سستا بنا دیا ہے، جس کے نتیجے میں وہ زیادہ آسانی کے ساتھ اپنی روحانی ذمہ داریوں کو پورا کرنے کے قابل ہو جائیں گے۔
واضح رہے کہ کوئٹہ ٹو جدہ خصوصی عمرہ فلائٹ کے حوالے سے منعقدہ افتتاحی تقریب میں گورنر بلوچستان کی ہدایات کی روشنی میں اب کوئٹہ انٹرنیشنل ایئرپورٹ پر اے ٹی ایمکرنسی ایکسچینج اور اسٹریچر کی سہولیات حجاج کرام، عمرہ زائرین اور عام مسافروں کو میسر آجائیگی۔
گورنر مندوخیل نے کہا کہ بحیثیت مسلمان مکہ مکرمہ اور مدینہ منورہ کے مقدس مقامات کا دورہ کرنے اور حج یا عمرہ کی سعادت حاصل کرنے کے خواہشمند حضرات کے دینی فرائض کی ادائیگی میں سہولت فراہم کرنے کی کوششیں واقعی لائق تحسین ہیں، اور ہم مومنین کی روحانی خواہشات کی حمایت کرنے کیلئے آپ کے شکر گزار ہیں۔
