ذرائع کے مطابق چکری انٹر چینج کے قریب ناکے پر روکنے پر ڈاکوؤں نے پولیس پر فائرنگ کر دی ۔
پولیس کی جانب سے جاری کی گئیں تفصیلات کے مطابق چکری انٹر چینج کے قریب ناکے پر روکنے کیلئے پولیس کی جانب سے اشارہ کیا گیا مگر ڈاکوؤں نے ناکہ پر کھڑی پولیس پر فائرنگ شروع کر دی، پولیس اور ڈاکوؤں کے درمیان فائرنگ کے تبالے میں ایک ڈاکو زخمی ہوگیا۔
پولیس ذرائع نے بتایا کہ زخمی ہونے والے ڈاکو کوزخمی حالت میں گرفتار کیا گیا، ملزم کی شناخت شاکر نام سے ہوئی، زخمی ڈاکو کو ہسپتال منتقل کر دیا گیا ہے۔ تمام ملزمان سابق ریکارڈ یافتہ چور ہیں اور مویشی بھی چوری کرتے تھے ۔
پولیس مقابلے میں فرار ہونے والے ڈاکو کے متعلق چکری پولیس کا کہنا ہے کہ ڈاکو کے فرار ہونے والے ساتھیوں کی تلاش جاری ہے، ڈاکو موٹروے سےملحقہ چھچھ گاؤں سے بھینس چوری کر کے جا رہےتھے ۔
