وزیراعلیٰ بلوچستان سرفرازبگٹی سےفوکل پرسن انسداد پولیو پروگرام عائشہ رضا فاروق نے ملاقات کی ۔ صوبے میں موذی مرض کی روک تھام اور انسداد پولیو مہم پر تبادلہ خیال کیا ۔
وزیراعلیٰ سرفراز بگٹی کا کہنا تھا کہ محکمہ صحت پولیو اور حفاظتی ٹیکہ جات پروگرام میں کوتاہی کامظاہرہ نہ کرے ، بلوچستان میں پولیو مہم کیلئے ٹیموں کو انتظامی تعاون دیں گے ،
پولیو پروگرام میں رخنہ ڈالنے والوں کیخلاف سختی سےکارروائی کی جائےگی ۔ ہائی رسک اضلاع میں حفاظتی ٹیکہ جات پروگرام تواتر سے چلایا جائے ۔
فوکل پرسن انسداد پولیو پروگرام نے کہا بلوچستان سے پولیو کیسز رپورٹ ہونا باعث تشویش ہے ۔ صوبے میں ستمبر ، اکتوبر اور نومبر میں خصوصی انسداد پولیو مہم شروع کی جائےگی ۔
