اسلام آباد پریس کلب کے باہر احتجاج کی اجازت نہ ملنے پر پاکستان تحریک انصاف (پی ٹی آئی) نےاسلام آباد ہائیکورٹ میں توہین عدالت کی درخواست دائر کی، اسلام آباد ہائیکورٹ نے پی ٹی آئی کی توہین عدالت کارروائی کی درخواست مسترد کردی۔
اسلام آباد میں احتجاجی مظاہرے کیلئے پاکستان تحریک انصاف (پی ٹی آئی) کی درخواست کا فیصلے پر عمل نہ کرنےپر توہین عدالت کیس کی سماعت ہوئی، اسلام آباد ہائیکورٹ کےجسٹس میاں گل حسن اورنگزیب نے عامر مسعود مغل نے درخواست پر فیصلہ سناتے ہوئے پی ٹی آئی کی توہین عدالت کارروائی کی درخواست کو مسترد کردیا۔
جسٹس ثمن رفعت امتیاز نے ضلعی انتظامیہ کو پی ٹی آئی درخواست پر فیصلہ کرنےکی ہدایت کی تھی،پاکستان تحریک انصاف (پی ٹی آئی) کے مطابق ڈپٹی کمشنر نے 29 جولائی کو احتجاج کی درخواست پر بروقت فیصلہ نہیں کیا،پی ٹی آئی نے سیکرٹری داخلہ خرم آغا، چیف کمشنر، ڈپٹی کمشنر اور آئی جی اسلام آباد کو فریق بنایا تھا۔
اسلام آباد ہائیکورٹ نے پی ٹی آئی کی جانب سے دائر کی گئی درخواست کو مسترد کرتے ہوئے کہا کہ عدالت کی کسی آبزرویشن کی خصوصی طور پر خلاف ورزی نہیں کی گئی۔
واضح رہے کہ اسلام آباد ہائیکورٹ کے چیف جسٹس نے گزشتہ سماعت کا تحریری حکم جاری کر دیا،ضلعی انتظامیہ کے مطابق پی ٹی آئی کو جلسے کی اجازت دیدی گئی ہے، پی ٹی آئی وکیل کے مطابق تاریخ کا فیصلہ اُن سے مشاورت کے بغیر کیا گیا۔
اسلام آباد ہائیکورٹ کی جانب سے جاری کئے گئے حکم نامہ کے مطابق پی ٹی آئی کو تاریخ یا مقام پر اعتراض ہے تو انتظامیہ کو نئی درخواست دے سکتی ہے،عدالت نے پی ٹی آئی کی توہینِ عدالت کی درخواست پر سماعت 9 اگست تک ملتوی کر دی۔
