آئی ٹی کےشعبےمیں حکومت پاکستان کا ایک اور اہم اقدام سامنے آیا ہے،جس کے تحت آئندہ پانچ سالوں میں آئی ٹی برآمدات کو 15ارب ڈالرتک بڑھانےکا ہدف مقرر کردیا گیا ہے۔
آئی ٹی کا شعبہ ایس آئی ایف سی کےترجیحی شعبوں میں سے ہےجس کے فروغ کیلئےایس آئی ایف سی کی ٹیم نے بہت محنت سے کام کیا۔
ہدف کوحاصل کرنےکیلئےاسٹیٹ بینک آف پاکستان نےآئی ٹی کمپنیوں کی بین الاقوامی موجودگی بڑھانے کے لیے”فارن ایکسچینج مینول“ میں ترامیم کیں
ان ترامیم میں آئی ٹی برآمد کنندگان کے لیے منافع لے جانے کی حد 35 فیصد سے بڑھا کر 50 فیصد کر دی گئی ہے
بین الاقوامی سطح پر آئی ٹی کےشعبے کو وسعت دینے کے لیے مقامی آئی ٹی کمپنیوں کو بیرون ملک ایک سے زائد ادارے قائم کرنے کی اجازت بھی ان ترامیم کا حصہ ہے
حکومت اور ایس آئی ایف سی کی کاوشوں کی بدولت 2019-2024ء کے دوران آئی ٹی برآمدات کا حصہ 4 فیصد سے بڑھ کر 8 فیصد ہونا آئی ٹی کے شعبے کی ترقی کیلئے خوش آئند ہے
یہ ترقی آئی ٹی شعبے کی فعال توسیع اور ملک کی برآمدات کی بڑھوتری میں اہم کردار کی عکاس ہے
ایس آئی ایف سی کی سہولت کاری کے باعث اسٹیٹ بینک کے جاری کردہ ضابطے آئی ٹی شعبےکی عالمی وسعت اورمزید ترقی کے لیے سازگار ماحول پیدا کریں گے۔
