کوہالہ مظفر آباد روڈ ڈولئی کے مقام پر بھاری لینڈ سلائیڈنگ کے باعث بند ہوگئی۔ این ایچ اے کا عملہ بھاری مشینری کے ساتھ ملبے کو ہٹانے میں مصروف ہے۔
ترجمان این ایچ اے کے مطابق لینڈ سلائیڈنگ کے باعث ایک مسافر بس راستے میں پھنس گئی تاہم کوئی جانی نقصان نہیں ہوا۔ مسافر بس کو نکالنے کے لیے این ایچ اے اور متعلقہ ایمرجنسی اداروں کی کوششیں جاری ہیں۔
محتاط اندازے کے مطابق سڑکو کو چند گھنٹوں میں ہلکی ٹریفک کے لیے بحال کردیا جائے گا۔ این ایچ اے کی طرف سے عوام سے اپیل کی گئی ہے کہ کوہالہ مظفرآباد شاہراہ پر سفر سے فی الحال گریز کریں۔
