لاہورکی انسداد دہشت گردی عدالت نےشاہ محمود قریشی کی اڈیالہ جیل سے ویڈیو لنک پرحاضری کی درخواست مسترد کردی ۔
شاہ محمود قریشی کی اڈیالہ جیل سےویڈیولنک پرحاضری کی درخواست پرجج خالد ارشد نےدوصفحات پرمشتمل تحریری حکم جاری کردیا، عدالت نےکہا کہ شاہ محمود قریشی کریمنل کیس کے ٹرائل میں ذاتی حیثیت میں پیش ہوں۔
تحریری حکم کےمطابق آئی جی جیل خانہ جات شاہ محمود قریشی کو اڈیالہ سےکوٹ لکھپت جیل منتقل کرے،سابق وزیرخارجہ کاکہنا ہےکہ اڈیالہ جیل راولپنڈی سےلاہورکا سفربہت تکلیف دہ ہے،استدعا کی کہ عدالت ویڈیو لنک پرحاضری مکمل کرنےکی درخواست منظور کرے۔
تھانہ شادمان کیس میں شاہ محمود قریشی کا جیل ٹرائل چل رہا ہے۔
