چائنہ پیپلزلبریشن آرمی کی97ویں یوم تاسیس کی یادگاری تقریب پر جنرل ساحر شمشاد مرزا کا کہنا تھا کہ سی پیک،دفاعی تعاون اورعلاقائی امن واستحکام پرچین سےملکرکام کرنےکےپختہ عزم ہے۔
پاک فوج کے شعبہ تعلقات عامہ انٹر سروس بپلک ریلیشنز( آئی ایس پی آر) کے مطابق جنرل ہیڈ کوارٹر (جی ایچ کیو)راولپنڈی میں چین کی پیپلزلبریشن آرمی کے97ویں یوم تاسیس کی یادگاری تقریب منائی گئی۔
چیئرمین جوائنٹ چیفس آف اسٹاف کمیٹی جنرل ساحرشمشادمرزانے بطورمہمان خصوصی شرکت کی، جنرل ساحرشمشادمرزانےعوام اورعسکری قیادت کی جانب سےپیپلزلبریشن آرمی کومبارکباددی۔
جنرل ساحرشمشادمرزانےچین کی ترقی،علاقائی امن واستحکام میں پی ایل اےکےکردارکوسراہا اور چین قریبی اور برادرانہ "آل ویدرفرینڈشپ" پرروشنی بھی ڈالی،چیئرمین جوائنٹ چیفس آف اسٹاف کمیٹی نےدوطرفہ تعلقات کومزیدوسعت دینےکےعزم کااعادہ بھی کیا۔
