لاہورہائیکورٹ میں این اے ایک سودس جھنگ سے رکن قومی اسمبلی صاحبزادہ امیرسلطان کی بازیابی کے لیے درخواست پرسماعت۔عدالت نے درخواست واپس لینے کی بنا پرنمٹا دی۔
لاہور ہائیکورٹ کےجسٹس شہرام سرورچوہدری نے صاحبزادہ امیرسلطان کی بازیابی کی درخواست پرسماعت کی۔
درخواست گزار نے موقف اختیار کیا کہ امیر سلطان کوتیرہ اورچودہ جولائی کی رات لاہور میں واقع گھر سے نامعلوم افراد نے اغوا کیا۔مغوی کو بازیاب کرا کر عدالت میں پیش کرنے کا حکم دیا جائے۔
دوران سماعت درخواست گزار وکیل نے بتایا کہ صاحبزادہ امیرسلطان باحفاظت گھرپہنچ چکے ہیں،عدالت نے وکیل کی استدعا منظور کرتے ہوئے درخواست واپس لینے کی بنیاد پر نمٹا دی۔
