قومی کرکٹ ٹیم کے فاسٹ بائولر نسیم شاہ کو دی ہنڈرڈ لیگ کے لیے این او سی جاری نہ کرنے کا فیصلہ کیا گیا ہے۔
ذرائع کےمطابق پاکستان کرکٹ بورڈ نے نسیم شاہ کو ورک لوڈ منیجمنٹ کے تحت این او سی جاری نہیں کیا، فاسٹ بائولر نے این او سی کے لیے درخواست دی تھی جس کے جائزےکےبعد فیصلہ کیا گیا۔
ذرائع کے مطابق پاکستان ٹیم کے ورلڈ ٹیسٹ چیمپئن شپ کے اہم میچز کے پیش نظر فاسٹ بائولر کو انجریز سے بچانے کیلئے این او سی جاری نہیں ہوا اور اس حوالے سے انہیں آگاہ کر دیا گیا ہے۔
واضح رہے کہ نسیم شاہ کا دی ہنڈرڈ میں برمنگھم فونکس کے ساتھ معاہدہ ہوا تھا، وہ ایک لاکھ 25 ہزار پاؤنڈز کی مہنگی ترین کیٹگری میں شامل تھے ، ان کا معاوضہ پاکستانی روپے میں لگ بھگ ساڑھے چار کروڑ روپے بنتا ہے۔
